主页 > 生活家园 >【週末游懒人包】 浪漫拍拖游 长洲 >

【週末游懒人包】 浪漫拍拖游 长洲

2020-06-13 来源:生活家园   |   浏览(137)
拍拖次次出亲街都係去商场行街?好闷呀!又到週末啦!不如带你嘅BB猪去 长洲 行下,搵下有乜野好睇、好玩、好食啦!唔知点Plan好?我哋帮你!

【週末游懒人包】 浪漫拍拖游 长洲
一到週末,长洲码头总是人来人往,同BB猪落船时真係要拖实啲呀!

第一站 分享甜到漏手造焦糖饼

Sweet Sweet来到长洲拍拖,当然要食一啲好sweet嘅嘢,呢间小店嘅焦糖饼係即叫即整,仲可以拣饼上面嘅图案,拍拖喎,梗係拣心心啦!

【週末游懒人包】 浪漫拍拖游 长洲
焦糖饼 $18/件

【週末游懒人包】 浪漫拍拖游 长洲

店主将煮热嘅砂糖,加入云呢嗱油同梳打粉,待糖浆发胀后,放上金属板再压扁,印上图案就完成!焦糖饼口感十分脆!食落係浓浓嘅焦糖香,有少少苦涩味。不过一个人食比较腻,最好同BB猪开心share(希望佢唔好食完又嗌要keep fit啦!)

【週末游懒人包】 浪漫拍拖游 长洲

海盗王张保仔

地址:长洲新兴后街152号地下(显示地图)

联络电话:6130 7939

第二站 情人锁留影

继德国、美国、南韩之后, 长洲 都有可以挂情人锁嘅地方啦!同BB猪唔使搭飞机都可以浪漫下!

【週末游懒人包】 浪漫拍拖游 长洲
长洲情人锁成为近期打卡热点。

【週末游懒人包】 浪漫拍拖游 长洲

啲情人锁远睇就五颜六色十分靓,但一行埋去近睇,部份锁嘅金属位都生咗锈,所以影Selfie时唔好「跟锁太贴」喇!

【週末游懒人包】 浪漫拍拖游 长洲
锁 $30/个

买锁去对面B&B舖头就得,不过$30个就真係唔太抵,但爱情嘅嘢,都係无得计咁多架啦……如果真係要为将来结婚计数的话,自备情人锁又得唔得呢?即係咁,场边有个伯伯长期在铁丝网边「打趸」,见有人将其他的锁放上去之时,就会埋嚟「关心」吓,唔知算唔算唔得呢!

情人锁

地址: 长洲 东湾路12-14号(显示地图)

第三站 创意甜品店撑枱脚

去 长洲 ,唔少人都锺意买返个平安包食,兼做手信。不过同BB猪出嚟,食平安包又好似唔係咁啱Feel喎,唔知有平安字样嘅马卡龙又啱唔啱佢嘅胃口?

【週末游懒人包】 浪漫拍拖游 长洲
平安马卡龙 $15/件

马卡龙嘅味道係香片茶味,味道芳香,唔会太甜。

【週末游懒人包】 浪漫拍拖游 长洲
流心朱古力塔 $58/件

第一眼见到以为係心太软,一样都係有啲朱古力浆流出嚟,但点知食落去係冻架!原来係朱古力慕斯嚟!

【週末游懒人包】 浪漫拍拖游 长洲
熊宝宝(前)白朱古力红莓味(后)榛子朱古力味$38/件

脆皮朱古力外壳下係软滑慕斯,慕斯下层係海棉蛋糕及曲奇饼底。

【週末游懒人包】 浪漫拍拖游 长洲

呢度嘅甜品师Keily,整甜品嘅功架原来係自学!哪里来的勇气?原来係基于一个情字,因为佢个BB猪锺意食甜品啰!So Sweet!

 

U Can Cook

地址:长洲海傍街91A地下及82号全幢(显示地图)

营业时间:12:00pm-10:00pm(逢星期四休息)

联络电话:2981 6533

第四站 孖住游卖艺手作小舖

看完情人锁,吃过焦糖饼,又要周围行下,近东湾泳滩,有一间小店,长期都人头涌涌,里面卖的,大部份产品都是人手製作或设计,好啱同锺意文青feel嘅BB猪行下。

【週末游懒人包】 浪漫拍拖游 长洲
卖艺门面保留旧式建筑风格
【週末游懒人包】 浪漫拍拖游 长洲
店内客人虽多,但不太挤逼,可以慢慢睇
【週末游懒人包】 浪漫拍拖游 长洲
亲切的温馨提示
【週末游懒人包】 浪漫拍拖游 长洲
怀旧情景饰物盒 $300/个

由本土工作室製作,将香港美食变成袖珍饰物。

【週末游懒人包】 浪漫拍拖游 长洲
飞行棋手绘颈链(右) $120维他奶手绘颈链(左) $190

飞行棋、维他奶充满集体回忆,手绘风设计更显怀旧。

【週末游懒人包】 浪漫拍拖游 长洲
土耳其传统手造陶瓷碗 $148

陶瓷碗图案精緻,可放生果、沙律或饰物。

【週末游懒人包】 浪漫拍拖游 长洲
结他Pick手镯 $78

手镯由结他弦线整成,中间穿上珠仔,型得嚟又带点可爱。

卖艺

地址:长洲东湾路庆安台3号地下(显示地图)

营业时间:11:00am-7:00pm(逢星期二休息)

第五站 后街欧陆小店搵信物

穿过横街小巷,就会搵到Nitti-gritti,门口设计令人印象深刻,咁细嘅舖面,但有齐窗户、大门、台阶、而且仲泊咗架复古造型单车喺门口,充满欧陆风,入店就好似去探朋友嘅,好有亲切感。(同BB猪又多一个影相点!)

【週末游懒人包】 浪漫拍拖游 长洲
店面设计别树一格。

店主Packy于墨尔本读书期间,经常行当地嘅Brunswick Street,街上有各式各样嘅小店,间间都好有风格,回港后,Packy希望喺自己嘅居住地- 长洲 ,开一间有自己风格嘅小店,好型呀~!

【週末游懒人包】 浪漫拍拖游 长洲
店内的装修都偏向欧洲Vintage风。

店内货品都係店主由世界不同地方採集回来,来自苏格兰、丹麦、韩国等地嘅精品及生活用品,亦都香港手作人製作嘅饰物。(太多野拣,记得锡住另一半荷包!)

【週末游懒人包】 浪漫拍拖游 长洲
苏格兰And Mary陶瓷颈链 $380-$430/件

由苏格兰设计师製作,走复古少女风路线,陶瓷公仔有多款造型,有小狗同小羊等。

【週末游懒人包】 浪漫拍拖游 长洲
韩国Uncle Cat公仔 $380

南韩插画师Jaesun设计,作品富童话味道。

【週末游懒人包】 浪漫拍拖游 长洲
Katy Village独角兽羊毛公仔颈链 $320/件

本土手作人製作,手工细緻。

【週末游懒人包】 浪漫拍拖游 长洲
自家设计Mr & Mrs抱枕 $560/对

店主自家设计嘅抱枕,不少客人买来做新婚礼物。

【週末游懒人包】 浪漫拍拖游 长洲
狐狸头套非卖品

店主问年轻 长洲 纸扎师傅特别打造,作为店内装饰。

【週末游懒人包】 浪漫拍拖游 长洲

店主爱犬Alloy帮忙「睇舖」,十分聪明,而且很亲人。

Nitti-gritti

地址:长洲新兴后街105号(显示地图)

营业时间:星期四、五(12:00pm-06:00pm)、星期六、日(12:00pm-07:00pm)

联络电话:3689 1242

第六站 码头看日落

食到饱,行到攰,又仲未够钟搭船?其实喺码头附近睇到嘅日落係好靓架!我都知睇日落有啲娘,但桥唔怕旧,最紧要受!如果当日个天唔厚云,仲会见到鹹蛋黄添!

【週末游懒人包】 浪漫拍拖游 长洲

相关文章